Guddiga hirgelinta doorashada heer dowlad Goboleed Jubbaland ayaa shaaciyay Odayaasha dhaqanka iyo bulshada rayidka ee soo xulaya sadex kamid ah kuraasta gollaha shacabka ee lagu dooranayo Kismaayo.
Qoraal kasoo baxay Guddiga doorashada Jubbaland ayaa lagu sheegay in iyaga oo fulinaya dhammaan habraacyada doorashooyinka ee ku heshiiyeen Gollaha Wadatashiga Qaran soo bandhigayaan Odayaasha iyo bulshada soo xuleysa ergada dooraneysa sadex kursi.
Saddexda kursi ee kamid ah kuraasta Golaha Shacabka ee deegaan doorashadoodu tahay Jubbaland ayaa waxaa maalmaha soo socda doorashadooda lagu qaban doonaa Magaalada Kismaayo ee Xarunta Gobolka Jubbada Hoose.
Guddiga doorashada Jubbaland ayaa si dardar leh ku wada doorashada Golaha Shacabka, waxaana Maanta Magaalada Kismaayo ka socota doorashada lix kamid ah kuraasta Golaha Shacabka Baarlamaanka 11-aad ee dowladda Federaalka…
