Wasaaradda Gaashaandhiga Xukuumadda Federaalka Soomaaliya iyo Taliska ciidanka xoogga ayaa agab ciidan oo casri ah kala wareegay howlgalka Midowga Yurub oo taageero siiyo dowladda Federaalka Soomaaliya.
Taliyaha Ciidanka Lugta ee Soomaaliya Janaraal, Maxamed Tahliil Biixi ayaa sheegay in qalabkan uu muhiimad gaar ah u leeyahay howlaglka ciidanka xoogga, wuxuuna xusay in guulaha ciidanka ay qayb ka tahay adeegsiga qalabka.
Agaasimaha guud ee Wasaaradda Gaashaandhigga Xukuumadda Federaalka Soomaaliya Xasan Maxamed Siciid Samatar ayaa howlgalka Midowga Yurub ugu mahad celiyay tababarrada iyo qalabaynta ciidanka xoogga ay mar kasta la garab taagan yihiin
Sidoo kale Agaasimaha guud ee Wasaaradda Gaashaandhigga Xasan Maxamed Siciid Samatar oo sii hadlaayay ayaa waxaa uu faray Ciidanka Xoogga dalka inay sidii loogu tala-galay u adeegsadaan agabka ee howlgalka Midowga Yurub ku wareejiyay dowladda
Howlgalka Midowga Yurub ayaa taageero dhinacyo kala duwan ah siiya dowladda Federaalka, wuxuuna howlgalka Ciidamada xoogga dalka ka taageeraa tababaro iyo latalin joogta ah siiya saraakiisha iyo Ciidamada dowladda.
