Guddiga hirgelinta doorashada Maamulka Hirshabeelle ayaa shaaciyay Liiska 11-ka kursi ee ugu horreeysa doorashada Golaha Shacabka Baarlamaanka Federaalka Soomaaliya, kuwaasi oo deegaan doorashadoodu tahay Magaalada Jowhar.
Guddiga doorashada ayaa saqdii dhexe ee xalay soo saaray Liiska kuraasta doorashada Golaha Shacabka, waxaana la filayaa in kuraastaas doorashadoodu la qabto maalmaha soo socda, sida uu qorshahu yahay.
Guddiga ayaa sidoo kale ku guda jira soo saarista magacyada Odayaasha dhaqanka iyo Ururrada Bulshada Rayidka ee soo xulaya ergada doorashada 11-ka kursi ee xalay soo saareen Guddiga doorashada Hirshabeelle.
Doorashada kuraasta Golaha Shacabka Baarlamaanka 11-aad ee dalka ayaa lagu wadaa in maamul Goboleedyada, si dardar leh ku bilaabaan, isla makaana ay kusoo gabagabeyaan waqtigii ay ku balameen Madaxda Golaha Wadatashiga Qaranka.
