Haweeneydaasi ayaa waxaa ay caloosheeda ku soo xirtay xirmo 6 KG oo Daroogada Khatarta ah, iyadoo Ilaalada xuduudka u qaateen inay Xaamilo tahay.
Haweeneydaasi ayaa la qabtay, xilli ay doonaysay inay ka gudubto xuduudka u dhexeeya dalalka Brazil iyo Paraguay.
Eey tababaran oo Booliska Brazil la shaqeeya ayaa uriyey Daroogada Marijuana ee ay Haweeneyda wadatay, taasi oo soo dedejisay in la qabto, lagana helo Daroogada ay tahriibinaysay.
Warbaahinta dalka Brazil ayaa soo bandhigay Muuqaalka Haweeneydaasi iyo Daroogada Marijuana ee lagu qabtay. Haweeneydaasi waxaa lagu qabtay Deegaanka Xuduudka Foz do Iguaçu ee Brazil, iyadoo doonaysay inay u sii gudubto Deegaanka Porto Alegre ee dalka Paraguay
Waxaa aad loo hadal hayaa Xeelladda ay Haweeneydaasi adeegsatay iyo fashilka ku yimid, inkastoo ay Ilaalada Xuduudaha Brazil u qaateen Haweeney xaamilo ah oo la tiicayso culayska uurkeeda.
