Doorashada Guddoomiyaha cusub ee Guddiga Xallinta Khilaafaadka doorashooyinka ayaa Maanta waxaa lagu wadaa inay ka dhacdo Xarunta Teendhada Afisyooni ee Magaalada Muqdisho.
Xilka Guddoomiyaha Guddiga Khilaafaadka ayaa waxaa ku tartamaya Musharaxiinta dhowr ah oo loo diiwaan-geliyay u tartanka xilka Guddoomiyaha, kuwaasi oo xubnaha loo xil-saaray qaban-qaabada doorashada diiwaan-geliyeen.
Xubnaha Guddiga ayaa dooran doona Guddoomiyahooda cusub ee hoggaamin doona Guddiga Khilaafaadka, waxaana doorashada Maanta ka dhaceysa Teendhada Afisyooni goobjoog ka noqon doona Mas’uuliyiin kala duwan oo ka tirsan dowladda Federaalka.
Xarunta Teendhada Afisyooni ayaa waxaa maalmo kahor ka dhacday doorashada Guddoomiyaha cusub ee Guddiga doorashooyinka heer Federaal, waxaana xilkaas kloo doortay Muuse Geelle Yuusuf oo bedelay Guddoomiyihii hore ee Maxamed Xasan Cirro.
