Dhul-gariir Halbeegiisu ahaa 2.5 Richter Scale ayaa Duhurnimada maanta oo Arbaco ah waxa uu ka dhacay Gobalka Kahramanmaraş ee dalkaasi Türkiye.
Dhul-gariirka oo aan u xoog badnayn sidii kuwii lagu hoobtay ee bishan February 6-dii ka dhacay dalka Türkiye, ayaa waxa uu kii maanta ka dhacay deegaan 25 KM u jirta Degmadda Kalebotnu-Göksun ee Gobalka Kahramanmaraş.
Dhul-gariirka ayaa waxa uu dhacay duhurkii maanta, Abaarihii 02:41 daqiiqo ee xilliga dalkaasi.
Lama soo tebinin wax khasaaro ah oo uu geystay Dhul-gariirka maanta ka dhacay dalkaasi.
Bishan February 6-dii, labo Dhul-gariir oo Halbeegoodu ahaa 7.7 iyo 7.6 Richter Scale waxa uu ku dhuftay K/Bari ee dalka Türkiye, waxaana ku geeriyootay ugu yaraan 41,156 qof, halka ay Tobanaan kalena ku dhaawacmeen.
