Dowladda Federaalka Soomaaliya ayaa War kasoo saartay dagaal xooggan oo Maanta ka dhacay degmada Awdheegle ee Gobolka Shabeellaha Hoose, kadib markii Arroornimadii hore degmadaas ay weerar culus ku qaadeen dagaalamayaasha Al-Shabaab.
Warkaan oo ay soo saartay Wasaaradda Warfaafinta ayaa lagu sheegay in howlgalka Awdheegle laga fuliyay ay iska kaashadeen ciidanka dowladda iyo saaxiibada caalamka , isla markaana uu dhaliyay khasaaro badan oo dhimasho iyo dhaawac.
Wasaaradda ayaa sheegtay in howlgalka lagu dilay 60-dagaalyahan oo katirsanaa Al Shabaabkii saakay weeraray degmada Awdheegle ee Gobolkas Shabeellaha Hoose, iyagoona intaas kusii daray weerarka lagu qabsaday hub iyo saanad milatari.
Dhinaca kale kooxda Al-Shabaab ayaa dhankeeda guullo ka sheegatay weerarkaasi, waxayna sheegtay in muddo kooban la wareegtay saldhigga ciidamada dowladda Soomaaliya, ayna sidoo kale gaarsiisay khasaare culus.
