Milliteriga dalka Ukraine ayaa waxaa ay sheegeen Maanta inay Ruushka ka soo rideen 5 Diyaaradaha nooca Dagaalka iyo hal helicopter.
Hadal ka soo baxay Taliska Wadajirka ee Ukraine ayaa lagu sheegay in Diyaaradahaasi Maanta lagu soo riday qeybo ka tirsan Bariga dalka Ukraine.
Sheegashadan ayaa soo baxay wax yar kadib, markii ay Wasaaradda Difaaca Ruushka sheegtay inay naafeeyeen Awoodii Ciiddanka Cirka Ukraine, lana burburiyey dhammaan Garoomadii Diyaaradaha Dagaalka ee ku yaallay Bariga dalkaasi.
Dhinaca kale, Fallaagada Gooni-isku-taaga ee Bariga Ukraine ayaa waxay sheegteen inay Milliteriga Dowladda Ukraine ka soo rideen 2 Diyaaradaha aan Duuliyaha lahayn ee Drones-ka.
