Diyaaradaha Dagaalka ee Ruushka ayaa la sheegay inay Duqeyn la beegsadeen Dhismo Telefishin oo ku yaalla Caasimadda dalka Ukraine ee Kyiv.
Waxaa la soo weriyey in 5 qof lagu dilay Duqeyntaasi, halka in ka badan 5 kalena la dhaawacay, sida ku warrameen Warbaahinta maxaliga ah.
Qoraal ay Hay’adda Gurmadka degdega ee dalkaasi ku faafiyey Bartooda Facebook ayey ku sheegeen in abaarihii 18:00 la duqeeyey Dhismaha Tawarka ee Telefishinka Kyiv TV Tower oo ku yaalla Degmadda Shevchenkivskyi ee ku taalla Bartamaha Caasimadda dalkaasi ee Kyiv.
Dagaalka u dhexeeya Ciidamada Ruusha iyo Ukraine ayaa galay maalintii 6-aad, waxaana magaalooyinka Ukraine ku socda duqeymo xoogan oo dhaliyey khasaaro lixaad leh oo gaaray Ciidamo farabadan iyo dhismayaal ku yaalla Caasimadda dalka Ukraine ee Kyiv..
