Ra’iisul wasaaraha XFS, Maxamed Xuseen Rooble ayaa soo dhoweeyay habsami u socodka howlaha doorashooyinka Aqalka hoose ee BFS oo haatan ka billaabanaysa magaalada Dhuusamareeb ee xarunta maamulka Galmudug.
Rooble, oo ka hadlayay Casha sharaf uu Xalay u sameeyay Madaxweynaha Galmudug Mudane Axmed Cabdi Kaariye ayaa intaa ku daray inuu aad ugu faraxsan yahay soo dhoweyntii ay walaalihii Galmudug u sameeyeen iyo sidii ay ugu shaqeeyeen dar-dar gelinta howlaha doorashooyinka Aqalka hoose ee BFS.
Ra’iisul Wasaare Maxamed Xuseen Rooble“Waan ka mahadcelinayaa sida diirran ee naloogu maamuusay caasimadda Galmudug ee Dhuusamareeb.Howlihii aan u imid Galmudug ee arrinta doorashadu ugu muhiimsaneyd waxay ku dhammaadeen guul.
Madaxweyne Qoorqoor ayuu ku boggaadiyey in uu xilli dhow u qabtay bilaabista doorasha xildhibaannada Golaha Shacabka JFS. Dowlad goboleedyada kalena waxaan ka codsanayaa in ay dhaqso u bilaabaan.
HALKAAN KA DAAWO MUUQAALKA
