Guddoomiyaha Gobolka Mudug ee Maamulka Puntland Cabdiladiif Muuse Nuur ayaa Maamulka Galmudug ka dalbaday inay gacanta kusoo dhigaan rag hubeysan oo maleeshiyaad ah oo laba Nin ku dilay duleedka Magaalada Gaalkacyo.
Guddoomiye Cabdiladiif oo warbaahinta la hadlay ayaa u sheegay in laamaha amniga Galmudug looga baahan yahay inay soo qabtaan oo ay cadaalada la horkeeno dadkii ka dambeeyay dilka loo geystay laba Nin oo kasoo jeeda Waqooyiga Gaalkacyo ee Puntland
Labadan dhalllinyarada ah ee la toogtay ayaa shalay subax maydkooda laga helay duleedka Koonfurta Gaalkacyo, waxaaana la sheegay in la afduubtay kadibna la dilay.
Dilka ninkaas ayuu sheegay Guddoomiyuhu in loo dilay labada nin ee kasoo jeeda Puntland, wuxuuna Maamulka Galmudug u sheegay in iyagana looga fadhiyo in ay soo qabtaan gacan ku dhiiglayaasha.
Warar la helayo ayaa sheegaya in dilka loo geystay ragga dhalinyarada ahaa uu la xiriiray aaqoon qabiil, mana ahan markii ugu horreeysay oo duleedka Gaalkacyo dad lagu dilo, waxaana horey halkaas loogu dilay dad u badnaa xoolo dhaqato.
HALKAAN KA DAAWO MUUQAALKA
