Magaalada Laascaanood ee Xarunta Gobolka Sool ayaa waxaa lagu soo gaba-gabeeyay shirweynihii maalmihii lasoo dhaafay magaaladaas uga socday Isimada, Odayaasha dhaqanka iyo qeybaha kala duwan ee bulshada Gobolada Sool, Sanaag iyo Ceyn.
Shirka ayaa waxaa laga soo saaray War-murtiyeed ka kooban dhowr qodob, waxaana la caddeeyay in dadka deegaanada SSC aysan ka tirsaneyn Maamulka Somaliland, isla markaana aysan marnaba ogoleyn, kana qeyb qaadaneyn barnaamijka gooni-isu-taagga.
Shirka ayaa shaaca ka qaaday in deegaanka SSC-ee Khaatumo ay ka tirsan yihiin Jamhuuriyadda Federaalka Soomaaliya, ayna u taagan yihiin midnimada iyo wadajirka Jamhuuriyadda Federaalka Soomaaliya.
Sidoo kale War-murtiyeedka ayaa lagu sheegay in Ergada shirka maamul u samaynta SSC iyo Khaatumo ay doorteen 45 xubnood oo ka kooban 45 xubnood, kuwaasi maamuli doona arrimaha deegaanada SSC-Khaatumo.
HALKAAN KA DAAWO WAR-MURTIYEEDKA
