Ugu yaraan inta la ogyahay laba askeri ayaa ku dhimatay, weerar saaka ururka Al-shabaab ay ku qaadeen deegaanka Af-urur ee buuraha waqooyi ee Gobolka Bari, halkaas oo ciidamada Puntland ku leeyihiin saldhig ciidan.
Weerarka ayaa ku bilawday Hoobiyaal Shabaab ku soo riday xeryo ciidan oo ku yaalla banaanka magaalada Af-urur, kadibna ciidanka daraawiishta Maamulka ayaa kaga jawaabey hubka culus.
Dad Goobjoogayaal ah ayaa waxaa ay warbaahinta gudaha u sheegeen in hadda rasaas googoos ah laga maqlaayo buuro ku dhow tuulada oo ah dhul dhir badan oo ay adagtahay in la arko wixii kaa durugsan.
Si kastaba Al-shabaab ayaa marar hore sidaan oo kale weeraro isugu jiray qaraxyo iyo kuwo toos ah ku qaaday Saldhigyo Ciidamada Daraawiishata Maamulka Puntland ay ku leeyihiin degaano iyo degmooyin ka tirsan Maamulka Puntland.
HALKAAN KA DAAWO MUUQAALKA
