Go’doomin iyo Duqeymo Madaafiic oo ay Milliteriga Ruushka ku hayeen Magaalada Kherson ee Koonfurta Ukraine ayaa waxay Ciidankaasi waaberigii hore ee saaka lug ku galeen Kherson.
Muuqaal Video oo ay Wakaalladda Wararka UNIAN News Agency baahisay ayaa waxaa la arkayey tobaneeyo Askarta Ruushka oo lugeynaya Waddooyinka magaaladaasi.
Saxafi Alyona Panina oo ku sugan Kherson oo si Live ah ula hadlay Telefishinka Ukraine 24 TV Channel ayaa sheegay inay Ciidanka Ruushka ay jid-gooyooyin ka samaysteen gudaha iyo daafaha magaaladaasi.
Goobjooge kale ayaa sheegay inay Ciidamada Ruushka ku sii qulqulayeen waddada weyn ee The Mykolayiv highway.
Mar sii horeysay, Maamulka Dowlad-Gobaleedka Kherson waxay sheegeen inay Milliteriga Ruushka difaacyo ka dhisteen meel ku dhow Degmada Shumensky, isla markaana ay xanibeen Jidka isku xira Waddooyinka Ivan Bohun iyo Lavrenev .
