Ilo ku dhow Hay’adaha Ammaanka ee dalka Masar ayaa sheegay inay Maanta labo weerar ka dhaceen magaallooyin ku yaalla Gobalka Koonfurta Siinaay.
Madfac ayaa waxa uu waaberigii hore ee saaka oo Jimco ah ku habsaday magaallada Noybac halka Diyaarad nooca Darooniska lagu weeraray magaallada Daaba.
Wararka waxay sheegayaan inuu Gantaalka ku dhacay dhul Lama-degaan ah, lamana soo werinin wax khasaaro nafeed. Waxaa socda Baaritaanka Qaraxaasi iyo ururinta Xogaha ku aadan halka laga soo tuuray Madfacaasi.
Dhanka kale, Afhayeenka Milliteriga dalka Masar, Kornel Qariib C/Xaafid ayaa waxa uu sheegay in Diyaarad Daroon oo aan haybteeda la aqoonsanin ay saakayto oo Jimco ah ku dhacday meel ku dhow Isbitaalka magaallada Daba ee Gobalka Koonfurta Siinaay ee dalkaasi.
Waxa uu sheegay inay 6 qof ku dhaawacmeen qaraxa diyaarada burburtay, kuwaasi oo markii la daaweeyey ka wada baxay Isbitaalka.
Magaalladda Daba waxay ku taalla Gacanka Caqabah oo 7 KM u jirta magaalladda Eilat ee Israel, halka ay magaalladda Daaba 220 KM uu jirto Marinka Qasa.
