Wararka naga soo gaaraya Degmada Beergadiid ee Gobolka Hiiraan ayaa waxaa ay sheegayaan in halkaasi uu Maanta ka dhacay dagaal geystay khasaaro isugu jira dhimasho iyo dhaawac, kaas oo siweyn looga dareemay degmada.
Dagaalka ayaa waxaa uu u dhaxeeyaya Ciidamada Nabadsugida Gobolka Hiiraan iyo Maleeshiyo hubeeysan oo qaab qabiil u abaabulan. Dagaalka ayaa inta la xaqiijiyay waxaa ku geeriyooday hal ruux oo la sheegay in uu ahaa Shacab halka Saddex qof oo dhinacyadii dagaalamay ahaa ay ku dhaawacmeen.
Dad ku sugan degmada Beergadiid ee Gobolka Hiiraan ayaa Warbaahinta u sheegay in dagaalka uu ka dambeeyay kadib markii maleeshiyaadka hubeysan oo dhac ka geystay duleedka degmada Matabaan la xiray eheladooda, balse iyaga oo ka careysan xarigaas ay weerareen saldhigga degmada Beergadiid.
Laamaha Amniga degmada Beergadiid ee Gobolka Hiiraan ayaa sheegay inay ku raadjoogaan maleeshiyaadka dhibaatada ka wada aaga degmada, isla markaana dhawaan ay cadaaladda horkeeni doonaan.
