Kolonyadii u horeeyey Gaadiidka ku xayirnaa Macbarka Rafax oo loo fasaxay inay Sahayda gaarsiiyaan Marinka Qasa.
20 Gawaarida Xamuulka ayaa la fasaxay, kuwaasi oo wada Shixnad Gargaar oo u badan daawooyin.
Gaadiidkaasi wada Gargaarka Aadminimada waxay dhowr isbuuc ku xanibnaayeen Macbarka Rafax, sababo la xiriiray Khataraha Amniga iyo Dib-dayactirka Waddada u gudubta Marinka Qasa.
Dhinaca kale Israa’iil ayaa sheegtay inaysan oggalaan doonin inuu shidaal galo Qaza, sida uu wariyeyaasha u sheegay afhayeenka ciidamada Israa’iil, Daniel Hagari.
Wuxuu intaa ku daray in kaliya la oggalaan doono in la geeyo Qaza cunno, biyo iyo gargaar caafimaad, iyadoo tani ay ku soo aadayso xilli isbitaallada Qaza laga digayo inay shaqada joojiyaan sababo la xiriira shidaalka oo ka dhammaaday matoorada ay adeegsanayeen.
