Ciidanka xoogga dalka oo kaashanaya kuwa deegaanka ee macwiisleyda ayaa saacadihii lasoo dhaafay waxa ay howlgal khasaaro badan dhaliyay oo ka dhan ahaa dagaalamayaasha Al-Shabaab ka fuliyeen deegaan ka tirsan Gobolka Galgaduud,
Howlgalkaan ayaa si gaar ah uga dhacay deegaanada Miliqo iyo Baalal-dheer, ee Gobolka Muudg, isla markaana waxaa la sheegay in lagu beegsaday dagaalyahano dhowr ah oo ka tirsan Shabaab, kuna sugnaa saddex xarumood.
Saraakiil ka tirsan milatariga Soomaaliya ayaa xaqiijiyay in howlgalladaasi oo ahaa mid qorsheysan lagu dilay ugu yaraan 27 xubnood oo ka tirsanaa xubnaha Al-Shabaab ee ku sugnaa deegaanadaasi, sidoo kalena ay jiraan xubno kale oo la dhaawacay.
Xaaladda ayaa haatan ah mid aad u kacsan, waxaana dhaq-dhaqaaqyo iska soo horjeedo laga dareemayaa gobollada Galgaduud iyo Mudug ee dowlad goboleedka Galmudug.
Sidoo kale ciidamada hoggaaminayay ayaa intaas waxa ay kusii darayeen in howlgalka uu gaba-gabo dhow yahay, isla markaana ay sii wadi doonaan, si Al-Shabaab looga wada saaro Gobolada Mudug iyo Galgaduud.
