Ciidamada Kumaandooska DANAB ee xoogga dalka ayaa xalay howlgal khasaaro dhaliyay ka fuliyay duleedka magaalada Kismaayo ee Xarunta Gobolka Jubbada Hoose gaar ahaan deegaanka Labi Kuus oo 60 KM dhinaca galbeed ka xiga Kismaayo.
Howlgalka oo ka dhan ahaa dagaalamayaasha Al-Shabaab ayaa lagu qaaday deegaanka Labi Kuus oo ay ku sugnaayeen xubno kamid ah Shabaabka, sida uu warbaahinta u sheegay Taliyaha Ururka 5-aad ee ciidanka DANAB Carab Dheeg Axmed.
Taliye Carab oo la hadlay warbaahinta ayaa sheegay in howlgalka oo ahaa mid qorsheysan lagu dilay ugu yaraan illaa 47 xubnood oo ka tirsanaa Al-Shabaab, isla markaana la burburiyay saldhigyo ay lahaayeen, waa sida uu hadalka u dhigay Taliyaha.
Xaaladda ayaa weli ah mid kacsan, waxaana dhaq-dhaqaaqyo iska soo horjeedo laga dareemayaa duleedka magaalada Kismaayo ee xarunta KMG ah ee Jubbaland. Dhanka kale, ma jiro wax hadal ah oo kasoo baxay dhinaca Al-Shabaab oo ku aadan howlgalkaas.
Howlgalkaan ayaa kusoo aaday, iyada oo mid ka mid ah dagaaladii ugu cuslaa ay shalay ka dhaceen deegaanka Cawsweyne, waxaana ilaa hada la helin xogta khasaaraha rasmiga ah ee ka dhashay dagaalkaas oo la sheegay in dhimasho iyo dhaawac badan ay kasoo gaareen saraakiil iyo askar badan
