Taliska Ciidamada Booliska Soomaaliya ayaa sheegay in bambaanooyin lagu tuuray saldhigyada Booliska degmooyinka Wadajir, Hodan, Howl-wadaag iyo Boondheere ee Gobolka Banaadir.
Afhayeenka Booliska Soomaaliya, Cabdifitaax Aadan Xasan ayaa sheegay in weeraradan ay fuliyeen kooxo hubeysan oo ay haatan daba-gal ku hayaan laamaha ammaanka dowladda Federaalka Soomaaliya.
Afhayeen Cabdifitaax ayaa sidoo kale xaqiijiyey in ciidamada Booliska ay gacanta kusoo dhigeen illaa 7 qof oo ku eedeysan weerarada lagu qaaday saldhigyadaasi.
Magaalada Caasimadda ah ee Muqdisho ayaa waxaa maalmihii u dmabeeyey ka dhacayey falal liddi ku ah amniga, sida dilal qorsheysan iyo qaraxyo geystay khasaare isugu jiro dhimasho iyo dhaawac, iyadoona mas’uuliyadooda sheegteen Al-shabaab.
HALKAAN KA DAAWO MUUQAALKA
