Qaraxa ka dhacay Magaalada Kismaayo ee Xarunta KMG ah ee Maamulka Jubbaland ayaa waxaa ku dhintay Sheekh Cabdinasir Xaaji Axmed oo gaarigiisa loogu xiray.
Sheekha oo dhawaan ka yimid Magaalada laas-Caanood ee Xaru ta Gobolka Sool ayaa gaariga uu watao uu qaraxa qabsaday xilli uu marayay Isgoyska Somali Star Xaafada Calanleey ee Magalada Kismaayo.
Jugta qaraxa ayaa waxaa laga maqlay qeybo badan oo kamid ah Magaalada Kismaayo, isla markaana waxaa qaraxa ka dhashay dab oo qabsaday gaariga la qarxiyey, sida lagu arkayey Sawiro laga qaaday gaariga oo gebi ahaan burburay.
Allaha u naxariistee Sheekh Cabdinasir Xaaji Axmed ayaa kamid ahaa Culimada Soomaaliyeed ee caanka ahaa, wuxuuna dadka u jeedin jiray Muxaadarrooyin iyo wacdi, isagoo Maanta ku dhintay qarax lagula beegsaday Somali Star Xaafada Calanleey.
Weli ma jiro wax war ah oo kasoo baxay dowlad Goboleedka Jubbaland oo ay uga hadlayaan qaraxii ka dhacay Magaalada Kismaayo ee lagu dilay Sheekh Cabdinasir Xaaji Axmed oo dhawaan tegay Magaaladaas.
