Ciidamada Booliska Saldhiga degmada Howlwadaag ee Gobalka Banaadir ayaa howlgal ay xalay ka sameeyeen xaafadda Tookiyo ee degmada Howlwadaag, kadib markii Ciidamada Booliska xog ka heleen bulshada ku nool xaafadda.
Taliyaha Saldhigga Booliska degmada Howlwadaag Najiib Cabdi Carab oo la hadlay Wakaaladda Wararka ee SONNA ayaa sheegay in Ciidamada Booliska oo qaaday howlgal qorsheesan ay gacanta ku dhigeen Beer lagu tallaalay dhirta Xashiishadda nooca ugu qatarsan ee Murjawaanaha iyo Haamo lagu farsameynayay Calaqa.
Taliye Najiib Cabdi Carab ayaa tilmaamay in dadka lagu qabtay falkaan tallaabo sharci ah laga qaadi doono, isla markaana waxaa uu sheegay Taliyaha inay wadaan howlgal lagula dagaalamayo maandooriyaha noocyadiisa kala duwan.
Taliyaha ayaa u mahadceliyay dadweynaha ku nool dagmada Howlwadaag oo marwalba lasoo wadaago Ciidanka Booliska xogta qatarta ku ah amaniga iyo bulshada deegaanka, taas oo Boolisku har iyo habeenba u taaganyahay inuu ka badabaadiyo.
HALKAAN KA DAAWO MUUQAALKA
