Wasiirka Gaashaandhigga Xukuumadda Federaalka Soomaaliya Cabduqaadir Maxamed Nuur Jaamac ayaa magacaabay Afhayeenka cusub ee Gaashaandhigga Xukuumadda Federaalka, kadib wareegto kasoo baxday Xafiiska Wasiirka Gaashaandhigga.
Wasiir Cabduqaadir Maxamed Nuur Jaamac ayaa Afhayeenka Wasiirka Gaashaandhigga Xukuumadda u magacaabay inuu noqdo Sarreeye guuto Cabdullaahi Cali Canood, si loo xoojiyo xiriirka warbaahinta iyo Wasaaradda.
Jeneraal Caanood ayaa xilal kala duwan kasoo qabtay Taliska Xoogga Dalka Soomaaliyeed, waxaana magacaabistiisa ay kusoo aadeysaa, iyada oo dalka uu ku jiro xaalad dagaal oo ka dhan ah Al-shabaab, taasi oo uu ku dhawaaqay Madaxweynaha.