Nabadoon Geesey Cismaan oo ka mid ahaa waxgaradka Gobolkaan Banaadir ayaa galabdhicii galabta lagu dilay degmada Yaaqshiid ee Gobolka Benaadir
Kooxo bastoolado ku hubeysan ayaa la soo sheegayaa inay Nabadoonka rasaas ku fureen wax yar ka dib, markii uu ka soo baxay masaajid ku yaalla xaafada Fagax oo uu ku soo tukaday oo ku yaalla Yaaqshiid.
Dableydii geysatay dilka ayaa ka baxsaday goobta sida ay sheegeen dad goob joogayaal ah oo xaafadaas ku sugna.
Ciidamada Booliska saldhiga Yaaqshiid ayaa bilaabay howlgalo lagu baadi goobayo kooxda dilka geysatay, inkastoo aysan ku guuleysan.
Al-shabaab oo la aaminsan yahay inay falkan ka dambeysay ayaa mudooyinkan xoojisay qaraxyada iyo dilalka ay ka geysato Magaalada Caasimadd ah ee Muqdisho.