Wasiirka Gaadiidka iyo Duulista Hawada Xukuumadda Federaalka Soomaaliya Xildhibaan Fardowsa Cismaan Egal ayaa Maanta magacaawday Guddiga dib u howlgelinta Shirkaddii Somali Airlines.
Wareegto kasoo baxday Xafiiska Wasiir Fardowsa Cismaan ayaa lagu magacaabay Guddiga dib u howlgelinta Shirkaddii Somali Airlines, kuwaasi oo ka kooban 7-xubnood, waxaana Guddoomiye looga dhigay Cali Gacal Caddow.
Magacaabista Guddigaan ayaa ku timid sida lagu caddeeyay wareegtada, kadib la-tashiyo badan oo ay sameeysay Wasaaradda Gaadiidka iyo Duulista Hawada, isla markaana lagu go’aamiyey dib u howlgelinta Shirkaddii Soomaali Airlines.
Dib u haowlgalinta Soomaali Airlines ayaa Soomaaliya uga dhigan guul wayn, iyadoona 30 sanno ee u dambaysay ay hawlgab ahayd diyaaraddu, taas oo meesha ay ka saareen dagaaladii Sokeeye ee dalka ka qarxay.
