Guddoomiyaha Maxkamadda Gobolka Banaadir Garyaqaan Saalax Cali Maxamuud ayaa amar ku bixiyey in lasoo qabto Guddoomiye ku-xigeenka arimaha bulshada degaanka Garasbaaleey ee duleedka magaalada Muqdisho Guuleed Cabdi Xuseen.
War-saxaafadeed kasoo baxay Xafiiska Guddoomiye Garyaqaan Saalax Cali ayaa waxaa Taliyaha Booliska Gobolka Banaadir lagu amray inuu mudo 24-saacadood lagu soo qabto oo Maxakamada la horgeeyo Guddoomiye Guuleed Cabdi Xuseen.
Guddoomiye ku-xigeenka arimaha bulshada degaanka Garasbaaleey ayaa waxaa lagu eedeeyay inuu is hor istaag shaqo iyo handadaad ku sameeyay Maxkamadda Gobolka Banaadir iyo tan rafcaanka Gobolka iyo Maxkamadda sare ee dalka.
