Madax dhaqameedka iyo Guurtida reer Khaatumo oo go,aamo masiiri ah kasoo saaray Xasaradaha ka taagan Deegaanada SSC-Akhriso

Laascaanood (Horufadhi News)-Madaxda siyaasada iyo kuwa dhaqanka ee deeganada Sool, sanaan iyo Cayn ayaa warmurtiyeed ku qoran afafka Soomaaliga iyo Englishka soo gaadhsiiyey Horufadhi Media.

Hoos ka akhriso.

Warsaxafadeed

Khamiis June 14^th, 2018

1. Golaha Sare ee Dhaqanka Sool, Sanaag iyo Cayn
2. Guurtida iyo Waxgaradka Gobollada Sool, Sanaag iyo Cayn

Si loosoo afjaro cadaadiska, cagajuglaynta, barakaca iyo dilalka loo gaysto Shacabka ku nool gobollada Sool, Sanaag iyo Cayn, waxa ay saxiixayaasha hoos ku xusan:

1. Caddaynayaan in dhibaattada ugu badan ee ka dhalata dagaallada ka socda deegaannadda Sool, Sanaag iyo Cayn ay ku dhacayso dadka ku nool deegaannadaas oo dil, dhaawac iyo barakac isugu darsamaan mar kasta oo dagaallo dhacaan.
2. Ugu baaqayaan Guddiyada Gurmadaka ee Dawladda Federalka ee Somalia, Hayadaha khayriga ah iyo Beesha caalamkaba in dadkaa tabaalysan ee dagalaka Tukaraq barakiciy ay la gaadhaan gurmad degdeg ah o wax ku ool ah.
3. Kula talinaynaa maamulka Waqooyi Galbeed uu joojiyo isku dayga uu rabo inuu xoog iyo qori caarradii kaga taliyo deegaannada SSC, dadka diidda ee ka mudaharaaday tacadigaa kusocdana laga daayo xabbadda iyo xadhigga loo gaysto.
4. Caddaynayaan in sheegashada maamulka Waqooyi Galbeed Gobollada SSC aanu ku salysnayn sharci iyo taarikh run ah midna.
5. Qirayaan in aanay beeli xoog iyo qori caaraddiis ugu talin Karin beel kale. 
6. Cod dheer ku sheegayaan in bulshada ku nool degaamada SSC ayan ogolayn marnababa aqbalayn, kala goynta dalka Somaaliyeed iyagoo horena naf iyo maalba ugu hureen  xorayntiisa iyo ilaalinta midnimadiisa .
7. Soo dhawaynayaan, si buuxdana u tageeraynaa doorka weyn ee ay dawlad goboleeka somaaliyeed ee Puntlaand ku ilaalinayso midnimada Somaaliyeed kuna taaageerayso dadka ku nool gobolada SSC si ay uga baxaan tacadiga lagu hayo ulana soo noqon lahayeen sharaftooda iyo karaamadooda rabaaniga ah.
8. Ugu baaqaynaa hogaanka dawlada Federaalka Somaalia ay ilaaliyaan xuquqda ka maqan shacabk SSC, oo ay tageeraan kana shaqeeyaan sida gobolada SSC ay aayohooda uga tashan lahaayeen sida gobolada kale ee Somaalia.
9. La socodsiinaynaa beesha caalmaka iyo inta nabadda danaynaysa in sida keliya ee xal waara loogu heli karo dagaalka tukaraq iyo deegaannada SSC in Gobollada SSC ay taloodada u madax bnaanaadaan sida degaamada la mid ah ee Somaalia.
10. Ku talinaynaa in taladu ka go’da oo si buuxda loola tashadaa Golaha Sare ee Dhaqanka, waxgaradka iyo bulshawaynta SSC; si xal waara loogu helo dagaalada kusoo noqnoqnaya degaamada SSC.
11. Ku boorinaynaa ummada Somaliyeed meel kasta oo ay joogto ay ku wada nolaato nabad gelyo, is qaddarin, isdhex gal iyo deris wanaag.