Magaalada Kismaayo ee Xarunta Gobolka Jubbada Hoose ahna Caasimadda KMG ah Jubbaland ayaa waxaa lagu wadaa in maanta lagu qabto doorashada kuraas ka mid ah Xildhibaanada Golaha Shacabka Baarlamaanka 11-aad ee dowladda Federaalka Soomaaliya.
Kuraasta doorashadooda la qabanayo oo shan ah ayaa waxa ay tirsigoodu kala yihiin:-HOP#136, HOP#130, HOP#112, HOP#079 & HOP#072, waxaana sanahihii lasoo dhaafay ku fadhiyey Xildhibaano ka tirsanaa Golaha Shacabka Baarlamaankii 11-aad.
Musharixiinta u tartamaya kuraastan ayaa qaatay shahaadada Musharaxnimada, iyaga oo maanta u tartamaya ka mid noqoshada baarlamaanka 11-aad ee dalka.
Magaalada Kismaayo ee Xarunta Gobolka Jubbada Hoose ahna Caasimadda KMG ah Jubbaland ayaa waxaa horey loogu qabtay kuraas ka mid ah Xildhibaanada Golaha Shacabka, kuwaas oo ay deegaan doorashadoodu tahay dowlad Goboleedka Jubbaland.