Afar qof ayaa ku geeriyootay Diyaarad nooca qumaatiga u Kaca (Helicopter) oo maanta ku burburtay Dhulka Kaymaha ee deegaanka Prudny ee u dhow degmadda sosnovsky ee Gobalka Chelyabinsk Oblast ee dalkaasi.
Diyaaradaasi oo nooceedu ahaa Mi-8 Helicopter waxaa la sheegay inay burburtay, xilli ay ku jirtay Duullimaad Tababar (A Training Flight).
Afhayeenka Hay’adda Adeega Duullimaadka Rayidka ee Ruushka oo la hadlay Wakaallada Wararka ee TASS ayaa sheegay inay 4 qof la socdeen diyaaradda, kuwaasi oo wada geeriyooday.
Dab ayaa la sheegay inuu ka kacay Diyaarada ku burburtay dhulka Kaymaha ee deegaanka Prundny.
Wararka Hordhaca ayaa waxay sheegayaan inay Hay’adda Adeega Ammaanka ee Federalka Ruushka (FSB) lahaayeen diyaaradda Helikobtarka ee burburtay.