Dagaal culus oo u dhaxeeya ciidanka Boolis Milataaro iyo ciidan kale oo ka amar qaata Gen. Sheegoow oo ka tirsan ciidanka Milateriga dowladda Federaalka Soomaalia ayaa xalay illaa haatan waxa uu ka socdaa degmada dharkeenley ee magaalada Muqdisho.
Dagaalkan oo xalay ka bilowday Isgooyska Xaafadda Kaawo Godey ee degmada Wadajir ayaa ku fiday degmada Dharkeenley, kadib markii ciidanka xasllinta caasimadda ee Booliska ay isku dayeen in ay soo xiraan Janaraal Sheegoow.
Wararka ayaa sheegaya in uu jiro khasaaro isugu jira dhimasho iyo dhaawac oo soo kala gaaray dhinacyada dagaalamaya iyo dadka degaanka, inkastoo aan weli si rasmi ah loo oggeyn.
Qaar kamid ah dadka deegaanka oo la hadlay warbaahinta ayaa u sheegay inay weli maqlayaan dhawaqa rasaas xoog leh oo isdhaafsanayaan ciidanka Booliska iyo kuwa taabacsan Gen. Sheegow, kuwaasi oo aagag xirtay, kana dhex dagaalamaya.
Xaadda ayaa weli cakiran, mana jiro wax hadal ah oo kasoo baxay saraakiisha laamaha ammaanka oo ku aadab dagaalkaasi ka dhacay xaafadda Kaawo Godey ee degmada Dhrakeenley, Howlgal la doonayo in lagu soo qabto sarkaalka ayaa lasoo weriyey inuu socdo.