Dagaal u dhexeeyay laba maleeshiyo beeleed ayaa saacadihii lasoo dhaafay ka dhacay deegaano hoostaga degmada Wanlaweyn ee Gobolka Shabeellaha Hoose ee Maamulka Koonfur Galbeedka, sida ay sheegayaan wararka aan ka heleyno Gobolka.
Khasaaro isugu jira dhimasho iyo dhaawac ayaa ka dhashay dagaalkii dhexmaray maleeshiyaad beeleedka, ugu yaraan 8 ruux ayaa ku dhintay, halka dhowr qof kalena ay dhaawacyo soo gaareen, kuwaasi oo dhammaantood ahaa dhinacyadii dagaalamay.
Maamulka degmada Wanlaweyn ee Gobolka Shabeellaha Hoose ayaa dalbaday in colaada si deg deg ah ah loo joojiyo, isla markaana wax walba oo khilaaf ah ay miiska wada-hadalka ku dhameeyaan.
Dhowr jeer ayaa degaano hoostaga degmada Walanweyn oo katirsan Gobolka Shabeellaha Hoose waxaa ka dhacay colaad Beeleedyo soo laab laabtay, iyada oo Maamulka Koonfur Galbeed ay ku guuldareysteen xal ka gaarista colaadaas