Maxkamada Gobolka Banaadir ayaa maanta dhageysatay dacwada loo haysto afar sargaal oo ka tirsan Hay’adda Socdaalka iyo Jinsiyadaha Soomaaliya, kuwaasi xafiiska xeer ilaaliyada Qaranka kusoo eedeeyay arrimo Musuq-maasuq iyo Xatooyo.
Afartaan Eedaysane ee la horeyay Maxkamada gobolka ayaa lagu kala magacaaba, Cabdulaahi Maxamuud Osoble, Cumar Macalim Nuur, Saabir Xasan Cabdinuur, Aadan Maxamed Cabdi oo dhamaan loo haysto xatooyo xoollo dadweyne.
Guddoomiyaha Maxkamadda Gobolka Banaadir ayaa marka hore eedeysanayaasha u akhriyay eeda loo heysto, isagoona afarta sarkaal weydiiyay su’aalo kadibna qareenada u doodayay eedeysanayaasha ay dhageysatay Maxkamadda.
Dacwaddan ayaa waxaa Maxkamadda Gobolka usoo gudbiyay xafiiska xeer ilaaliyaha guud ee qaranka oo ku sugan oo ku sugnaa hoolka Maxkamadda. Dowladad Soomaaliya ayaa isbuucyo xabsiga ku heysay mas’uuliyiintan maanta lasoo taagay Maxkamadda.