Xukuumadda Federalka ah ee Soomaaliya ayaa shaacisay inay ka qeyb qaadan doonaan xalka garista cabashada ay Maamulka Hir-Shabeelle ka qabaan Shacabka ku nool degaannada Gobolka Hiiraan.
Wasiir kuxigeenka Wasaaradda Warfaafinta xukuumadda Cabdiraxmaan Yuusuf Alcadaala ayaa sheegay in la xalin doono cabashada dad ka ku nool Gobolka Hiiraan , isla markaana diyaar loo yahay in xal laga gaarao.
Wasiirka oo la hadlay BBC-da waxaa uu sheegay in Dowladda Soomaaliya ay Maamulka Hir-Shabeelle ku garab istaagi doonto sidii looga jawaabi lahaa cabashada Bulshada Gobolka Hiiraan,
Al-cadaalla ayaa sheegay in xalinta tabshada ay la kaashan doonaan Golaha wadatashiga qaran oo ay ku mideysan yihiin Ra’iisul Wasaare Rooble, Madaxda Shanta dowlad Goboled & Gudoomiyaha Gobolka Banaadir.
Tan iyo markii Magaalada Jowhar lagu qabtay doorashadii ay kusoo baxeen Madaxweynaha Hir-Shabeelle iyo kuxigeenkiisa ayaa waxaa cabasho kasoo yeereysay Bulshada ku nool Gobolka Hiiraan, waxaana taasi ay keentay in Magalada Beledwyene loo diido in uu tago Madaxweyne Cali Guudlaawe Xuseen.