Kadib, markii ay Dowladda Masar ku dhawaaqday in Macbarka Rafax la furay saakayto oo Isniin ah ayaa waxay Ilo ka tirsan Falastiin iyo Israel sheegeen in la gaaray Xabbad-Joojin Ku-meel-gaar ah oo muddo 5 saacadood ah.
Xabbad-Joojinta Aadminimo (Humanitarian Ceasefire) ayaa dhaqan-gal noqon doonta 9-ka Barqanimo maanta ee xilliga Greenwich Mean Time (GMT).
XJJ waxay horseedi doontaa inay dadka Shisheeyaha ee ku go’doonsan Qasa la soo daad-gureeyo, si ay uga gudbaan Macbarka Rafax ee dalka Masar.
Wargeyska Israel ee Yedioth Ahronoth ayaa qoray inay Israel u fasixi doonto Gaadiidka wada Shixnadaha Gargaarka Aadminimada inay ka soo gudbaan Macbarka Rafax si ay Gargaarka u gaarsiiyeen magaalladda Qasa ee Falastiin.
In ka badan 100 Gaadiidka Xamuulka oo ay ku raran yihiin Kun Tan oo Badeeco Gargaar Aadminimo ayaa waxay maalmihii la soo dhaafay ku xayirnaayeen Macbarka Rafax ee Masar.