Weerar Gaadmo ah oo ku bilowday qaraxyo ayaa Al-shabaab waxaa ay saakay aroortii hore ku qaadeeen saldhig ciidamada Dowladda iyo kuwa Galmudug ay ku lahaayeen magalada camaara ee Koonfurta Gobolka Mudug,
Dagaal xoogan ayaa saacado socday Ciidamada Dowladda ay uga baxeen magaalada, iyadoo maleeshiyaadka Al-Shabaab ay saacado kooban la wareegeen gacan ku haynta degaanka Camaara.
Khasaaraha ka dhashay Dagaalkaan ayaa ilaa hadda si rasmiya loo ogayn, balse wararka aan helnay ayaa sheegeya in 4 ruux ay dhinteen dagaalkaan oo uu mid ka mida yahay sargaal ka tirsana Ciidamada Gor Gor kaas oo lagu magacaabi jiray bamaceeye.
Ciidamada Daraawiishta Galmudug oo gurmad ahaan uga yimid dhinaca Shabeelow iyo ciimada saakay Dagaalku qabsaday ayaa hadda dib ula wareegay degaanka Camaara siday noo xaqiijiyeen Saraakiisha hogaaminaysa Ciidamadaasi.
HALKAAN KA DAAWO MUUQAALKA
Dhanka kale duleedka degaanka Camaara waxaa hadda ka dhacday duqayn ay fuliyeen diyaaradaha Maraykanka oo lala beegsaday kooxdii Alshabaab ee saakay weeraray Camaara, iyadoo halkaasi lagu burburiyay Gaadiid dagaal oo Ciidamada Dowladda halkaas looga qabsaday.