Dagaal xooggan oo u dhexeeyay Ciidanka dowladda Federaalka, Ciidanka deegaanka ee loo yaqaano macwiisleyda iyo Al-shabaab ayaa saaka ka socda deegaanka Yasooman hoostaga degmada Buulo-burde ee Gobolka Hiiraan.
Wararka la helayo ayaa sheegaya in dagaalkaan uu ka danbeeyay kadib markii Al-shabaab ay weerar qaraxyo ku bilowday ku qaadeen degaanka Yasooman, isla markaan qaraxyada waxaa lagu weeraray Saldhig halkaas ku yaalla.
Dagaalka ayaa waxaa la isku adeegsanayaan hubka noocyadiisa kala duwan, sida ay warbaahinta u sheegeen dadka deegaanka oo dubadii bilaabay inay ka qaxaan deegaanka oo haatan uu ka socdo dagaal culus.
Ma cadda khasaaraha ka dhashay dagaalkan, mana jiro wax hadal ah oo kasoo baxay saraakiisha ciidamada dowladda ee ku sugan halkaasi.
Yasooman ayaa ka mid ah deegaanadii u dambeeyey ee la gala wareeygay kooxda Al-Shabaab, kadib howlgallo culus oo ka dhacay gobolka Hiiraan.