Madaxda Golaha Wadatashiga Qaran iyo Wakiilada Beesha Caalamka ee Soomaaliya ayaa haatan waxaa uu kulan gaar ah uga socdaa Teendhada Afisyooni ee xeyndaabka Garoonka Aadan Cadde.
Kulanka ayaa waxaa looga hadlayaa xaaladihii ugu dambeeyay ee siyaasadda dalka iyo geedi socodka hanaanka doorashooyinka dalka Soomaaliya, waxaana kulanka shir guddoominaya Ra’iisul Wasaare Rooble.
Kulanka ayaa waxaa kaloo looga arrinsanayaa sidii Madaxda dowladda iyo Beesha Caalamka isaga kaashan lahaayeen xiligi kala guurka ah sidii dalka ay uga dhacdo doorasho ku qabsoomta nabad iyo Cadaalad.
Wakiilada Beesha Caalamka ayaa Ra’iisul Wasaare Rooble iyo Madaxda dowlad Goboleedyad u sheegay inay diyaar u yihiin inay taageeraan doorashada ka dhaceysa, isla markaana ay bixin doonaan qarashka loogu tala-galay doorashada.