Ciiddamo gaar ah oo ka tirsan xoogga dalka ayaa xalay degaanka Daarusalaam oo hoos taga degmada Cadale ee Gobolka Shabeellaha Dhexe ku dilay Sarkaal ka tirsan Al-shabaab oo lagu magacaabo Maxamed Cabdi Suubiye oo
Taliyaha Ciidanka xoogga dalka Jeneraal Odowaa Yuusu Raage ayaa warbaahinta Qaranka u sheegay in Howlgal qorsheysan lagu Khaarijiyay dhagar qabahaan, howlgalkan ayaa Ciidamada ay ka fuliyay aagga Masaajid Cali Gaduud isla markaana laga gaaray hadafkii laga lahaa.
Degmada Cadale ayaa hoostagtah gaar ahaan deegaanka Daarusalaam ee gobolka Shabeellah dhexe halkaas oo lagu khaarajiyay horjoogahan ka tirsan maleeshiyada Al Shabaab.
Ma jiro faah faahin intaas ka badan oo Taliye Odawaa Yuusuf Raage uu ka bixiyay howlgalka la fuliyay, waxaana xusid mudan in halkaas dhowr jeer ay ka dhaceen dagaal u dhexeeyay Ciidanka dowladda iyo Shabaabka.
Ciidanka Dowladda Federaalka ayaa dhawaan howlgalo socday todobaadyo ka sameeyay deegaano ka tirsan Gobolka Shabeellaha Dhexe oo lagu dilay xubno ka tirsan Al-shabaab, sidoo kalena halkaas ay ka dhaceen qaraxyo geystay khasaaro dhimasho iyo dhaawac oo lala eegtay Ciidanka Dowladda.