Ra’iisul Wasaaraha Xukuumadda Maxamed Xuseen Rooble oo uu wehliyo madaxweynaha dowlad-goboleedka Galmudug Axmed Cabdi Kaariye ayaa guddoomiyay shirka wadajir ah oo ay yeesheen Golaha Wasiirrada Wasiirrada XFS iyo Galmudug.
Kulanka Wasiirada ayaa inta uu socday waxaa diiradda lagu saaray wadashaqeynta Hay’adaha Federaalka iyo Dowlad-goboleedka Galmudug iyo xaaladda amniga guud ee deegaanadda Maamulkaas.
Kulanka Golaha ayaa waxaa sidoo kale looga hadlay xaaladaha bini’aadanimo ee kasoo cusboonaaday deegaanada Galmudug oo abaar soo food saartay, iyadoona sidoo kale Warbixino ku saabsan doorashooyinka lagu dhageystay kulanka.
Ugu danbeyntii Ra’iisul Wasaaraha Xukuumadda Federaalka Soomaaliya Maxamed Xuseen Rooble ayaa Beesha Caalamka ugu baaqay sidii ay gacan uga geysan lahaayeen abaaraha iyo biyo la’aanta kusii baaheysa deegaanada Galmudug.
Ra’iisul Wasaare Rooble iyo wafdi uu hoggaaminayo ayaa maalmaha safar ku jooga Magaalada Dhuusamareeb ee Caasimadda Maamulka, isagoona kulamo kala duwan la yeeshay Madaxda Galmudug, Guddiyada doorashooyinka iyo Odayaasha dhaqanka.