Ra’iisul Wasaaraha Xukuumadda Federaalka Maxamed Xuseen Rooble ayaa xafiiskiisa ku qaabilay Danjiraha Dowladda Imaaraatka Carabta u fadhiya Soomaaliya Mudane Maxamed Axmed Alcuthman.
Kulan gaar ah oo ay yeesheen labada mas’uul ayaa waxaa ay uga wada hadleen xoojinta xiriirka labada dal ee walaalaha ah oo sanadihii la soo dhaafay ahaa mid aan wanaagsaneyn.
Sidoo kale labada dhinac ayaa waxaa ay ka wada hadleen sidii Dowladda Imaaraadka kaalin uga geysan lahayd gurmadka dadka ay saameeyeen fatahaadaha Hirshabeelle, gaar ahaan Jowhar iyo degaannada hoostaga.
HALKAAN KA DAAWO MUUQAALKA
Dowladda Imaaraadka Carabta ayaa Afartii sano ee la soo dhaafay waxaa aad u xumaa xiriirka ay la leedahay Madaxda Dowladda Soomaaliya, iyada oo joojisay howlo tababar Ciidan iyo gurmad ah oo ay ka sameyn jirtay Soomaaliya.