Madaxweynaha dowladda Federaalka Soomaaliya Xasan Sheekh Maxamuud oo ku sugan Muqdisho ayaa xalay xarunta Madaxtooyada kulan gaar ah kula qaatay hoggaamiyaha Maamulka SSC-Khaatumo Cabdulqaadir Aw Cali Firdhiye oo socdaalka ku jooga caasimadda Muqdisho.
Kulanka dhexmaray Madaxweyne Xasan Sheekh iyo hoggaamiye Cabdulqaadir ayaa waxaa looga wada hadlay arrimo ay kamid ahaayeen xaaladda bulsho iyo nololeed ee ka jirta deegaanada SSC iyo tageerada ay SSC-Khaatumo u baahan tahay.
Madaxweynaha dowladda Federaalka ayaa sidoo kale Cabdulqaadir Firdhiye ka dhageystay warbixin la xiriirta xalaada deeganaada SSC iyo xadiga khasaaraha dagaaladii 8-da bilood ka socday magaalada Laascaanood, kuwaasoo geystay khasaare lixaad leh.
Kulankan ka dhacay xalay xarunta Madaxtooyada ee dhexmaray Madaxweyne Xasan iyo hoggaamiye Firdhiye ayaa waxaa qeyb ka ahaa xubno la socday hoggaamiyaha oo socdaalka ku wehlinayay iyo mas’uuliyiinta SSC ku metela Golayaasha kala duwan ee dowladda.
Hoggaamiyaha maamulka SSC ayaa magaalada Muqdisho ku yimid casuumad uu u fidiyay Ra’isul Wasaare Xamse Barre , waxaana hoggaamiyaha Muqdisho loogu soo dhaweeyay aad u heersareysa.