Muwaadin Soomaaliyeed oo lagu magacaabi jiray Xasan Axmed Cabdulle, ayaa xalay fiidkii lagu Dilay dukaan uu joogay oo ku yaalla xaafada side B oo ka tirsan degmada isku raranka ah ee Khayelitsha ee magaalada Magaalada Cape Town ee dalka K/Afrika.
Burcada hubeeysan ayaa sida la sheegay markii ay dileen Muwaadinka dhac u geeystay dukaanka iyagoo marka kadib goobta isaga baxsaday, sida ay kusoo warrameen qaar kamid ah Muwaadiniin Soomaali ah oo meel ku dhow goobta ku sugnaa.
Ciidamo ka tirsan Booliska dowladda Koonfur Afrika oo gaaray dukaanka lagu dilay Muwaadinka Soomaaliyeed ayaa sheegay in ay baarayan kooxdi ka dambeeysay dilka
Si kastaba Degmada kheyletsha ayaa kamid ah deeganada ay Soomaalida ku leeyihiin ganacsiyada xoogan, waxaana mar walba ka dhaca dilal iyo dhac ah oo loo geeysto ganacsatada Soomaalida ee halkaasi dukaamaha ku leh.