Waxaa galabta markii saddexaad Garoonka diyaaradaha Aadan Cadde ee magaalada Muqdisho kasoo degtay diyaarad sidday 20 qof oo kamid ah dadkii dhawacyada ka soo gareen dagaalada culus ee ka socda Magaalada Lascanood ee xarunta gobolka Sool.
Dhawacyadaan oo ay ku jiraan dad liita ayaa waxaa Garoonka Adaan Cadde uga hortagay Guddoomiye ku xigeenka labaad ee Aqalka sare ee BFS, Xildhibano katirsan labada Aqal, Agaasimaha guud ee Hey’adda maareynta Masiiboyinka Qaranka, Agaasimaha waaxda cafimaadka.
Diyaaradda siday dhawacyada la keenay magaalada Muqdisho ayaa kasoo duushay magaalada Garoowe, waxaana la socday Madaxa xarunta howlgallada Gurmadka Degdegga ee hey’adda mareynta masiiboyinka dowladda Soomaaliya.
Gawaarida gurmadka deg deg ah ayaa dhawacyadaan u daabulay xarumaha cafimaadka magaalada, si loogu daaweeyo.