Muqdisho (HM)-Xalay ayaa waxaa Magaalada Muqdisho muddo dhowr saacadood ah ka da’ay roob saameyn ballaadhan ku yeeshay qoysas danyar ah oo ku nool degmooyin ka tirsan Gobolkan Banaadir, iyada oo dadka qaar ay ka barakaceen Roobka.
Wararka la helay ayaa waxaa ay sheegayaan inay jiraan qoysas danyar ah oo Roobka Guryahooda galay, isla markaana ay sababtay inay barakacaan si saameyn kale uusan ugu yeelan, waxaana sidoo kale uu Roobka xiray wadooyin muhiim ah oo ku yaalla Muqdisho.
HALKAN KA DAAWO VIDEO
Guddoomiye kuxigeenka howlaha Guud ee Gobolka Banaadir Eng Cumar Cali Cabdi ayaa sheegay in dadka Muqdisho uu saameyn ballaaran ku yeeshay roobkii xalay dhowrka saacadood ka da’ayay Magaalada Muqdisho.
Waxaa uu sheegay in ilaa iyo hadda Maamulka Gobolka Banaadir uusan soo gaarin khasaaro nafeed oo ka dhashay roobka marka laga reebo Guri ku yaalla degmada Howl-Wadaag, balse aan wax khasaaro ah geysan,waxaana Bulshada wax heysanata uu ugu baaqay inay u gurmadaan dadka danyarta ah.
Marka uu Roobka ka da’o Magaalada muqdisho ayaa waxaa uu saameynta ugu daran ku yeeshaa Guryaha ay degan yihiin Qoysaska danta yar iyo
wadooyinka muhiimka ah ee Muqdisho, kuwaas oo qaarkood horay u bur bursanaa.
Horufadhi News
