Xoghayaha Difaaca Maraykanka, Lloyd Austin ayaa ku dhawaaqay arrintaasi shalay oo Axad ahayd, hal maalin kadib, markii ay Ururka XAMAAS bilaabeen Duullaanka loogu magac daray Duufaanta Al-Aqsa.
Waxa uu xusay inay waaxda Difaaca Maraykanka ee The Pentagon u dirayaan Maraakiib iyo Diyaarado Dagaal meel aad ugu dhow Xeebaha Dhulalka La-haysto ee Falastiin, si ay u taageeraan Gulufka Milliteriga Israel ka wadaan Marinka Qasa.
Xoghaye Lloyd Austin waxa la sheegay inuu amray inay Markabka Diyaarad-Xambaaraha ee The Aircraft carrier USS Gerald R. Ford, Markabka Gantaallada ee TUSS Normandy iyo tiro Maraakiibta wax burburiya u shiraacdaan Bariga badda Mediterranean Sea.
Sidoo kale, Xoghayaha Difaaca Maraykanka waxa kale oo uu amray in Diyaaradaha Dagaalka ee U.S. Air Force F-35, F-15, F-16 iyo A-10 ee ku sugan Mandiqadaasi, si ay u gaaf-wareegaan Bariga badda Mediterranean Sea.