Xildhibaanada labada Aqalka ee Baarlamaanka Federaalka Soomaaliya oo maanta sabti ah kulan ku yeelanaya Magaalada Muqdisho ayaa waxay dhageysanayaan hadal-jeedinta Musharaxiinta Guddoonka labada ee Baarlamaanka Jamhuuriyadda Federaalka.
Guddiga doorashada Guddoonka Golaha Shacabka ayaa shalay oo jimco ahayd ku dhawaaqay in la soo xeray diiwaan galinta Musharaxiinta u tartameysa xilka Guddoonka Golaha Shacabka Baarlamaanka 11-aad.
Xildhibaan Prof. Maxamed Xuseen Haadi oo xubin ka ah guddiga gaar ahaan qeybta diiwaan galinta ayaa sheegay in maanta oo sabti ah taariikhduna ay ku began tahay 23-4-2022, ee hadal-jeedinta doonaan Musharaxiinta u tartameysa xilka Guddoomiyaha Golaha Shacabka halka beri oo Axad ah ay ku xigi doonaan Musharaxiinta u taagan Gudddoomiye ku-xigeenada.
Doorashada Guddoonka Golaha Shacabka lagu wadaa inay Magaalada Muqdisho ka dhacdo 27-ka bishaan, waxaana Caasimadda ka socda olole doorasho xoog leh, isla markaana ku aadan doorashada Guddoonka labada Aqal ee Baarlamaanka 11-aad.