Ku-simaha Madaxweynaha JFS ahna Guddoomiyaha Golaha Shacabka Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) ayaa hoygiisa ku qaabilay Guddoomiyaha Gobolka Hiiraan Cali Jeeyte Cismaan oo howlo shaqo u jooga magalada Muqdisho ee caasimadda dalka.
Guddoomiyaha Gobolka Hiiraan ayaa ku-simaha Madaxweynaha ahna Guddoomiyaha Golaha Shacabka ugu warbixiyay xaalada gobolka Hiiraan iyo dagaalaada dalka loogu xorreynaayo Al-Shabaab.
Guddoomiye Cali Jeyte ayaa Guddoomiye Aadan Madoobe uga warbixiyey howlgalada Al-shabaab looga qabsaday deegaano ka tirsan Hiiraan, Shabeellaha Dhexe iyo Galgaduud, wuxuuna u sheegay inay howlgalada sii socon doonaan.
Ku-simaha Madaxweynaha oo boggaadiyay Guddoomiyaha Gobolka Hiiraan iyo mas’uuliyiinta ku sugan jiida hore ee dagaalka ayaa boggaadiyay Ciidanka Qaranka oo har iyo habeen u soo jeeda sidii guud ahaan dalka looga xorreyn lahaa Al-shabaab, isagoona kula dardaarmay in la xoojiyo loona midoobo dagaalka.