Kooxda Farsamada arrimaha doorashooyinka ee uu dhawaan Magacaabay Ra’iisul Wasaaraha Xukuumadda Maxamed Xuseen Rooble ayaa Maanta la kulmay kooxda QM u qaabilsan taageerada doorashooyinka.
Labada dhinac ayaa waxaa ay ka wada hadleen isu duwidda iyo mideynta howlaha lagu taageerayo dadaallada Ra’iisul Wasaaraha ee hirgelinta doorasho daahfuran oo xor iyo xalaal ah.
Kooxda ka socotay Qaramada Midoobay ayaa u balan qaaday Xubnaha Gudiga inay kala Shaqeyn doonaan howlahooda ku saabsan hirgelinta arrimaha doorashooyinka ee uu u igmaday Ra’iisul Wasaare Rooble.
Xubnaha Guddiga Farsamada ee uu dhawaan Magacaabay Ra’iisul Wasaare Rooble ayaa maalmihii la soo dhaafay waxaa ay yeelanayen kulamo kala duwan, iyaga oo doonaya inay dardar geliyaan howlaha loo xil saaray.