Guddiga doorashada heer Dowlad Goboleed Galmudug ayaa shaaciyay qabashada 8 kursi oo ka mid ah kuraasta Golaha Shacabka Baarlamaanka 11-aad ee dowladda Federaalka, kuraastaas oo taalla magaalada Dhuusamareeb ee Caasimadda Galmudug.
Kuraastaan ayaa waxaa qayb ka ah labo kursi oo kala ah #HOP138 iyo #HOP147 oo Magaalada Guriceel looga matali doono Golaha Shacabka Baarlamaanka Jamhuuriyadda Federaalka, kuwaas oo si weyn loo sugayayo doorashadooda.
Doorashada kuraasta Golaha Shacabka Baarlamaanka ay Galmudug soo saartay ayaa kala dhici laba maalmood ah oo kala ah 13-14-ka bishaan Febraayo, isla markaana waxaa ay doorashada ka dhaceysaa Magaalada Dhuusamareeb ee Caasimadda Galmudug.