Kooxo hubeysan oo burcad ah ayaa xalay Magaalada Muqdisho gaar haana xaafad ka tirsan degmada Dharkeenley ee Gobolka ku dilay Macalin Jaamacadeed, waxaana falkaas kasoo baxaya faah faahino dheeraad ah.
Dad la hadlay warbaahinta gudaha ayaa u sheegay in rag burcad ah oo watay Bastoolad ay dileen mid kamid ah Macalimiinta Jaamacadda Horseed ee ku taalla Magaalada Muqdisho, iyadao Macalinka uu u dhintay rasaas lagu dhuftay.
Macalinka la dilay oo lagu Magacaabi jiray Cusmaan Axmed Macow ayaa kamid ahaa Macalimiinta Jaamacadda Horseed, waxaana burcada xiligas ay ka dhacayeen taleefoonkiisa, iyagoona ku dilay Suuqyaraha degmada Dharkeenley.
Ragga Burcadda ah iyo Macalinka ayaa ka hor dilka la sheegay in uu dhexmaray muran taas oo keentay inay dilaan, iyaga oo ka qaatay taleefoonkiisii iuo Agab kale oo uu watay.
Laamaha Amniga iyo Maamulka degmada Dharkeenleey ayaan weli ka hadlin dilkaas, waxaana uu kusoo beegmay xilli ay Muqdisho kusoo bateen Kooxo burcad ah oo dadka dilaya kadibna dhac u geysanaya.